სტუდენტთა საყურადღებოდ! 29.06.2021
29 ივნისი 2021
სტამბოლის ტექნიკური უნივერსიტეტი (Istanbul Technical University), ბათუმის ნავიგაციის სასწავლო უნივერსიტეტის საბაკალავრო საფეხურის სტუდენტებისთვის, აცხადებს 2021 წლის შემოდგომის სემესტრში Erasmus+ ICM-ის გაცვლით პროგრამაში მონაწილეობისათვის განაცხადების მიღებას.
Erasmus+ გაცვლითი პროგრამა სტუდენტების საერთაშორისო მობილობისთვის ითვალისწინებს მგზავრობის ხარჯის დაფარვას და გასცემს სტიპენდიებს. სტიპენდიის ოდენობა სტუდენტებისთვის განსაზღვრულია მიმღები ქვეყნისა და უნივერსიტეტის შესაბამისად.
სტამბოლის ტექნიკურ უნივერსიტეტში გამოცხადებული მობილობის დეტალები:
აკადემიური საფეხური - ბაკალავრიატი;
მობილობის ხანგრძლივობა - 1 სემესტრი;
პროგრამის დასახელება: საზღვაო ნავიგაცია; გემის მექანიკა;
სწავლების ენა - ინგლისური;
კონკურსში მონაწილეობის მისაღებად, ბათუმის ნავიგაციის სასწავლო უნივერსიტეტის აქტიური სტატუსის მქონე სტუდენტებმა, შემდეგი დოკუმენტები უნდა წარმოადგინონ ინგლისურ ენაზე:
მოქმედი საერთაშორისო პასპორტის ასლი;
შევსებული სააპლიკაციო ფორმა (გადადით ბმულზე:https://cutt.ly/QmyJHAi);
CV მოცემულ ფორმატში: EUROPASS CV (გადადით ბმულზე: https://cutt.ly/1myGmS6);
ინგლისური ენის ცოდნის დამადასტურებელი საერთაშორისო სერტიფიკატი (IELTS – 6.0; TOEFL- 78); არსებობის შემთხვევაში. აპლიკანტს, რომელსაც სურვილი ექნება მიიღოს მონაწილეობა აღნიშნულ კონკურსში და არა აქვს ინგლისური ენის ცოდნის დამადასტურებელი საერთაშორისო სერტიფიკატი მოეთხოვება ჩააბაროს ბნსუ-ს ინგლისური ენის შიდა ინსტიტუციონალური გამოცდა;
ნიშნების ფურცელი;
1 სამოტივაციო წერილი;
1 სარეკომენდაციო წერილი ფაკულტეტიდან (დეკანი/პროგრამის ხელმძღვანელი/ლექტორი);
კანდიდატებმა განაცხადები უნდა წარმოადგინონ ელექტრონული ფორმით 2021 წლის 31 ივლისის ჩათვლთ შემდეგ მისამართზე: erasmusplus@bntu.edu.ge
კონკურსში მონაწილეობის მიღება არ შეუძლიათ:
პირველი კურსის სტუდენტებს; მე-4 კურსის მე-2 სემესტრის სტუდენტებს;
მათ, ვისაც უკვე მიღებული აქვთ Erasmus+ ICM გრანტი ანალოგიურ საფეხურზე.
არ განიხილება იმ სტუდენტთა განაცხადები, რომლებიც:
არ აკმაყოფილებს გაცვლით პროგრამაში მონაწილეობისათვის ჩარჩო ხელშეკრულებითა და ბათუმის ნავიგაციის სასწავლო უნივერსიტეტის საერთაშორისო ურთიერთობების სამსახურის დებულებით დადგენილ მოთხოვნებს;
წარმოდგენილი იქნება არასრულყოფილი ან დადგენილი მოთხოვნების შეუსაბამოდ;
წარმოდგენილი იქნება დაგვიანებით ან ეტაპობრივად;
შერჩევის პროცედურა:
წარმოდგენილ სააპლიკაციო დოკუმენტებს განიხილავს ბათუმის ნავიგაციის სასწავლო უნივერსიტეტის საკონკურსო კომისია;
კომისიის მიერ შერჩეულ კანდიდატებთან კომუნიკაცია და ინფორმაციის მიწოდება სტამბოლის ტექნიკური უნივერსიტეტის სააპლიკაციო პროცედურების შესახებ;
შერჩეული კანდიდატების მიერ სტამბოლის ტექნიკური უნივერსიტეტის სააპლიკაციო ფორმის შევსება 16 აგვისტომდე, 2021;
შევსებული სააპლიკაციო ფორმის შეფასება მიმღები უნივერსიტეტის მიერ;
სტუდენტების საბოლო შერჩევა სტამბოლის ტქენიკური უნივერსიტეტის მიერ;
დამატებითი ინფორმაციის მისაღებად, მიმართეთ ბათუმის ნავიგაციის სასწავლო უნივერსიტეტის საერთაშორისო ურთიერთობების სამსახურსს შემდეგ ელ-ფოსტაზე: international@bntu.edu.ge