ბნუ-ს სტუდენტების Erasmus+ მობილობა სტამბოლის ტექნიკურ უნივერსიტეტში

ბათუმის ნავიგაციის უნივერსიტეტის საზღვაო-საინჟინრო ფაკულტეტის „საზღვაო ნავიგაციის“ საბაკალავრო საგანმანათლებლო პროგრამის სტუდენტები, გიორგი აბესაძე და ამირან გოგიჩაიშვილი, 2026–2027 სასწავლო წლის შემოდგომის სემესტრში სტამბოლის ტექნიკური უნივერსიტეტის საზღვაო ფაკულტეტზე ისწავლიან.

მათი მობილობა Erasmus+ საერთაშორისო კრედიტების მობილობის პროგრამის ფარგლებში ფინანსდება.

სტამბოლის ტექნიკური უნივერსიტეტი ბათუმის ნავიგაციის უნივერსიტეტის პარტნიორია. უნივერსიტეტებს შორის წლებია ხორციელდება სტუდენტებისა და პერსონალის გაცვლითი პროგრამები.