ონლაინ სწავლების მეთოდები 17.03.2020

ბათუმის ნავიგაციის სასწავლო უნივერსიტეტში აკადემიურ და მოწვეულ პერსონალ ონლაინ სწავლების მეთოდები გააცნეს.
საერთაშორისო ურთიერთობების სამსახურის უფროსმა შეხვედრაზე პლატფორმა “ZOOM”-ის შესაძლებლებებზე ისაუბრა და ონლაინ სწავლების უზრუნველსაყოფად საჭირო დეტალებზე გაამახვილა ყურადღება.
▪აპლიკაციის გამოყენებით ლექტორებს შესაძლებლობა აქვთ ლექციები სახლიდან გაუსვლელად ჩაატარონ;
▪მაუწყებლობა ერთდროულად 100 მოსწავლისთვისაა შესაძლებელი;
▪პლატფორმას აქვს ლექციის ჩაწერის ფუნქციაც;
▪იძლევა შესაძლებლობას გაიცვალოს ფაილები.
ელექტრონული სწავლების პროცესი ბნსუ-ში 23 მარტიდან დაიწყება. ელექტრონული პლატფორმა სატესტო რეჟიმში იმუშავებს 16-დან 22 მარტის ჩათვლით.
ბათუმის ნავიგაციის სასწავლო უნივერსიტეტი სწავლების დისტანციურ რეჟიმზე პრემიერ-მინისტრის ხელმძღვანელობით შექმნილი უწყებათაშორისი საკოორდინაციო საბჭოს რეკომენდაციის საფუძველზე გადავიდა.

