BSAMI-ის ყოველწლური გენერალური ანსამბლეა 10.02.2021
10 თებერვალი 2021
2021 წლის 10 თებერვალს გაიმართა შავი ზღვის საზღვაო უნივერსიტეტების ასოციაციის (BSAMI) ყოველწლიური ასამბლეა. ასამბლეა ასოციაციის თავმჯდომარემ, პირი რეისის უნივერსიტეტის რექტორმა ბატონმა ორალ ერდოღანმა გახსნა.
ასამბლეის ფარგლებში წევრი უნივერსიტეტების რექტორებმა შეაჯამეს გასული წელი და პანდემიით შექმნილი გამოწვევები და სირთულეები.
შეხვედრის ფარგლებში მონაწილეებმა ერთმანეთს გაუზიარეს COVID19-თან წინააღმდეგ ბრძოლის საუკეთესო პრაქტიკა და პროგრესი ამ მიმართულებით.
მონაწილეებმა დაგეგმეს სამომავლო ღონისძიებები, რომლებიც განხორციელდება ასოციაციასთან ერთად.
ასევე, ასამბლეის ფარგლებში წევრი უნივერსიტეტების მხრიდან მოხდა ახალი კვლევითი პროექტების იდეების წარდგენა და განხილვა.
ბნსუ-ს საერთაშორისო ურთიერთოების ხელმძღვანელმა დამსწრე საზოგადეობას წარუდგინა უნივერსიტეტში შემუშავებული კვლევითი პროექტის იდეა. იდეამ დაიმსახურა მოწონება, აღინიშნა, რომ ამ მიმართულებით გაგრძელდება მუშაობა და დაფინანსების წყაროს მოძიება.
ასამბლეას ასოციაციის წევრ უნივერსიტეტებთან ერთად ესწრებოდა ბათუმის ნავიგაციის სასწავლო უნივერსიტეტის რექტორი ბატონი პარმენ ხვედელიძე; ბნსუ-ს კანცლერი ქალბატონი ლალი ხვედელიძე; ხარისხის უზრუნველყოფის სამსახურის უფროსი ქალბატონი ნათია მიქელთაძე და საერთაშორისო ურთიერთობების სამსახურის უფროსი ბატონი გიორგი გაბედავა.
ასამბლეას ჯამში რეგიონის ექვსი ქვეყნის ათი საზღვაო უნივერსიტეტის წარმომადგენელი ესწრებოდა.
აღნიშნული ასამბლეა ყოველწლიურად იმართება და მას ორგანიზებას შავი ზღვის საზღვაო უნივერსიტეტების ასოციაცია (BSAMI) უწევს.