მსოფლიო ეკონომიკაში საქართველოს ინტეგრაციის პროცესების გათვალისწინებით და საზღვაო დარგში მზარდი მოთხოვნებიდან გამომდინარე, აუცილებელია საზღვაო სფეროს ისეთი საგანმანათლებლო პროგრამების შეთავაზება, რომლებიც უზრუნველყოფენ საერთაშორისო საზღვაო ორგანიზაციის (IMO) მიერ დაწესებული ნორმების, ეროვნული კანონმდებლობის და საგანმანათლებლო სტანდარტის გათვალისწინებით საზღვაო დარგის კონკურენტუნარიანი, კვალიფიციური სპეციალისტების, მათ შორის გემის ინჟინერ-მექანიკოსების მომზადებას.

პროგრამის მიზანი

გემის მექანიკის საბაკალავრო პროგრამის მიზანია საგანმანათლებლო პროგრამის მიზანია მომზადდეს საერთაშორისო/ადგილობრივ საგანმანათლებლო და შრომის ბაზარზე არსებული მოთხოვნების შესაბამისი და STCWკონვენციის რეგლამენტებით დადგენილი კომპეტენციებით აღჭურვილი კონკურენტუნარიანი, პრაქტიკულ მუშაობაზე ორიენტირებული, მაღალკვალიფიციური სპეციალისტის (გემის ინჟინერ-მექანიკოსის) მომზადება, რომელსაც ექნება:

• პროფესიული საქმიანობისთვის აუცილებელი STCW კონვენციის რეგლამენტების მოთხოვნათა შესაბამისი თეორიული ცოდნა და გემის ინჟინერ-მექანიკოსის ვალდებულებებისა და პასუხისმგებლობების შესრულების პრაქტიკული უნარები, პროფესიის და შესასრულებელი ვალდებულებების სპეციფიკის გაცნობიერების, პრობლემის შეფასებაანალიზის და თავისი კომპეტენციის ფარგლებში სწორი გადაწყვეტილებების მიღების, ოპერატიულად და დადგენილი სტანდარტების/წესების შესაბამისად მოქმედების უნარები, ასევე სამსახურებრივი ფუნქციების შესრულებაზე და გემზე მყოფ ადამიანებზე პასუხისმგებლობა;
• დამოუკიდებლობის მაღალი ხარისხით სიტუაციის/ინფორმაციის/ მონაცემების შეფასება-ანალიზის, შესაბამისი მეთოდების გამოყენების, ტექნიკური, პროფესიული, სოციალური ან/და ეთიკური პრობლემების გამომწვევი მიზეზების, მიზეზ-შედეგობრივი კავშირების და შესაძლო რისკების იდენტიფიცირების, კომპლექსური, რთული/გაუთვალისწინებელი პრობლემების შეფასება-ანალიზის, გადაჭრის სწორი გზის არჩევის და დასაბუთების, გუნდში მუშაობის, სწორი კომუნიკაციის და ქცევის მოდელის შერჩევის, სამუშაოს შესრულებისთვის შესაბამისი ტექნიკური/ ტექნოლოგიური რესურსების, მათ შორის საინფორმაციო-საკომუნიკაციო ტექნოლოგიებისა და სპეციფიკური კომპიუტერული პროგრამების შერჩევისა და გამოყენების უნარები და მზაობა;
• პიროვნული და პროფესიული განვითარების მოტივაცია და უნარი;
• საზღვაო სფეროს და მულტიკულტურული გუნდის ეთიკური თავისებურებების გაცნობიერების და დაცვის მზაობა;
• მიღებული ცოდნისა და უნარების გამოყენებისა და დამოუკიდებლად შემდგომი განვითარებით საზოგადოებრივ თუ პროფესიულ საქმიანობაში თავისი შესაძლებლობების რეალიზების და კარიერული წინსვლის შესაძლებლობა.

პროგრამის სწავლის შედეგები

ცოდნა და გაცნობიერება

• კურსდამთავრებული განიხილავს და განმარტავს საზღვაო-საინჟინრო საქმიანობის შესასრულებლად საჭირო პროცედურებს, წესებს, კონვენციებს, საკანონმდებლო აქტებს, ტექ­ნო­ლოგიური პრო­­ცესების ეფექტიანობის და ხარისხის შეფასების მეთოდებს, ფი­ზი­კუ­რი და ქიმიური პროცესების, თერმო­დი­ნა­მიკისა და ჰიდ­რო­მე­ქანიკის კომპ­ლექსურ საკითხებს, გემის მთავარი და დამხმარე ენერგეტიკული დანადგარების, ელექტრომწყობილობების, ელექტრონული აპა­რატურის, ავ­ტო­მა­ტური მართვის სისტემებისა და დამცავი მოწყობილობების, დამხმარე მექანიზმებისა და სისტემების,  სამაშველო და უსა­ფ­რ­თხოების საშუალებების მუშაობის პრინციპებს და მათი უსაფრთხო ექსპლუატაციის წესებს.

• კომპლექსურად აფასებს სარემონტო სამუშაოების ობიექტს და ადგენს უწესივრობის მიზეზებს, სარემონტო დოკუმენტაციას, ტექნიკური მო­მ­სა­ხურების ორგანიზების მეთოდებს, გემების სხვადასხვა კონსტრუქციების ტექნიკური მდგომარეობისა და მდგრადობის შეფასების კრიტე­რი­უ­მებს, სხვადასხვა თვი­სე­ბე­ბის მქონე ლი­თო­ნე­ბის, გამაგრილებელი წყლისა და საწვავ-საპოხი მასალების მომზადების და დამუშავების მეთოდებს.

• იყენებს სიგნალიზაციისა და დაცვის სისტემებს;  მე­ქანიზმების და მანქანების თეორიის, მარ­ტი­ვი მექანიზმების სტრუქტურული, სტა­ტი­კუ­რი, დინა­მი­კუ­რი და კინემა­ტი­კური მახასიათებლების, დეტა­ლე­ბის სიმტ­კი­ცე­­ზე მა­თე­მა­ტი­კუ­რი გაანგარიშების მეთოდებს, სპეციალიზირებულ კომპიუტერულ პროგრამებს,  საზღვაო ტექნიკური საშუალებების მწარმოებლების მიერ მოწოდებულ ინსტრუქციებს, ელექტრულ სქემებს, ტექ­ნი­კურ ნახაზებსა და დიაგრამებს.

• ახორციელებს გემის ენერგეტიკული დანადგარების ეფექტიანრ მართვას და ვახტის გაწევას, მუშა პარამეტრების კონტროლს, მთავარი/დამხმარე მექანიზმებისა და სისტემების ექსპლუატაციას და ტექნიკურ მომსახურებას; საინჟინრო პარამეტრების სინთეზს, კომპეტენციის ფარგლებში  უსაფრთ­ხო სამუშაო გა­რე­მოს უზ­რუნ­ველ­ყოფას, ტექნიკური საშუალებების ავა­რი­უ­ლ, დრო­ე­­ბი­თ და პერმანენტულ შეკეთე­ბას სათანადო ხელსაწყოების, ჩარხებისა და სა­ზო­მი ინსტ­რუ­მენტების და სხვა­დასხვა საიზოლაციო მა­­სალების  გამოყე­ნე­ბით; ხანძრის ან ავა­რიის შემთხვევაში უსაფრთხოების და პირველადი სამედიცინო დახმარების გადაუდე­ბე­ლ ღონისძიებებს.
• ამყარებს ეფექტიან კომუნიკაციას (როგორც ზეპირად, ასევე წერილობით), საერთაშორისო საზღვაო ორგანიზაციის (IMO) სტან­დარ­­­­ტუ­ლი სა­სა­უ­ბრო ფრა­ზების გამოყენებით ეკიპაჟის წევრებთან და სხვა დაინტერესებულ მხარეებთან უსაფრთხო და ეფექტური ოპერა­ციე­ბის უზ­რუ­ნ­ველ­საყოფად.

პასუხისმგებლობა და ავტონომიურობა

• სამუშაო გარემოში, შექმნილ გაუთვალისწინებელ პირობებში, გამოწვევებისა და საგანგებო სიტუაციების რისკების შეფასების შედეგად, მოქმედებს გემის ტექნიკური მომსახურებისა და უსაფრთხო ექსპ­ლუატაციის თანამედროვე მიდგომების გათვალისწინებით და შესაბამისი პროცედურებისა და რესურსების გამოყენებით, იღებს პასუხისმგებლობას მიღებულ გადაწყვეტილებაზე და გან­ხო­რციელებულ ქმედებებზე.
• პროფესიულ საქმიანობაში იყენებს ლიდერობისა და გუნდური მუშაობის უნარებს და  მოქმედებს ეთიკური და სო­ცი­ა­ლუ­რი ნორ­მების დაცვით, მულტიკულტურული გუნდის/ეკიპაჟის ეთ­ნი­კუ­რი, კულტუ­რული, სოციალური და სხვ. ღირებულებებისა და თა­ვი­სე­ბუ­რებების გათვალისწინებით.
• ითვალისწინებს ინოვაციების მნიშვნელობას წარმატებული პროფესიული საქმინობისა და კარიერული წინსვლისთვის და ავლენს დამოუკი­დებლად ცოდნის განახლებისა და პრო­ფე­სი­ული კომპეტენციების განვითარების უნარს.

დასაქმების სფერო

STCW კონვენციისა და „მეზღვაურთა განათლებისა და სერტიფიცირების შესახებ“ საქართველოს კანონის თანახმად გემის ინჟინერ-მექანიკოსის სერტიფიცირების მოთხოვნათა დაკმაყოფილებისა და გემზე მუშაობის აღიარებული სტაჟის და სათანადო მომზადების საფუძველზე კურსდამთავრებულს (გემის ინჟინერ-მექანიკოსს) შეუძლია ეტაპობრივად მოიპოვოს საოკეანო-სავაჭრო გემის სამეთაურო შემადგენლობის გემის მექანიკოსის მორიგი წოდება და დაიკავოს თანამდებობა გემის სავახტო მექანიკოსიდან დაწყებული უფროსი მექანიკოსის ჩათვლით. გემის ინჟინერ-მექანიკოსი შეიძლება დასაქმდეს საზღვაო სავაჭრო, სამგზავრო, ნავსადგურის დამხმარე ფლოტის გემებზე დამხმარე, ექსპლუატაციისა და მართვის დონეზე;

კურსდამთავრებული შეიძლება დასაქმდეს საზღვაო ტრანსპორტის ან დარგის ინდუსტრიასთან დაკავშირებულ სახელმწიფო ან კერძო დაწესებულებებში - საერთაშორისო სანაოსნო და საკრუინგო კომპანიები, გემთსარემონტო და სხვა სარემონტო საწარმოებში, საზღვაო ნავსადგურებში, მექანიკური საამქროები და სხვა.

ერთიანი ეროვნული გამოცდების კოდი: 1400101

მისანიჭებელი აკადემიური ხარისხი და კვალიფიკაცია: ინჟინერიის ბაკალავრი საზღვაო ინჟინერიაში

პროფესია: გემის ინჟინერ-მექანიკოსი

პროგრამის მოცულობა: 240 კრედიტი (ECTS)

პროგრამის ხელმძღვანელი: კახაბერ ხინთიბიძე, ასოცირებული პროფესორი

ერთიან ეროვნულ გამოცდებზე ჩასაბარებელი გამოცდები: ქართული ენა და ლიტერატურა; უცხო ენა (ინგ.); მათემატიკა ან ფიზიკა