საზღვაო-საინჟინრო ფაკულტეტი

საზღვაო პრაქტიკა ტარდება გემზე, წარმოადგენს საგანმანათლებლო პროგ­რა­მის სას­­წა­ვ­­ლო-სა­წ­ვ­რ­თ­ნელ ნა­წილს და მოიცავს:

• სას­წავ­ლო პრაქ­ტი­კას - პრაქტიკული უნარების დახვეწა-დადასტურებაზე მიმართული პრაქ­ტი­კა;
• საცურაო პრაქტიკას - რეალურ გარემოში გემზე მეზღვაურის პრაქტიკული უნარების ჩამოყალი­ბე­ბა­ზე მი­­მარ­თული პრაქტიკა. საცურაო პრაქტიკის გავლა არ მოეთხოვება სტუდენტს, რომელსაც უდას­ტურ­დება შესაბამისი ნაოსნობის სტაჟი (დაფიქ­სირებულია მეზღვაურის წვრთნის სააღრიცხ­ვო წიგნაკში და წარმოადგენს დოკუმენ­ტურ მტკიცებულებას). ამ შემთხვევაში სტუდენტს საცურაო პრაქტიკა ეთვ­ლება გავ­ლი­ლად. გარდა ამისა, თუ სტუდენტს დოკუმენტურად უდასტურდება საცურაო პრაქტიკის პერიოდში სასწავლო პრაქტიკის კომპო­ნენ­ტ(ებ)ის შესაბამისი კომპეტენციების მიღწევა (სამუშაოს შესრულება, სხვ.), მაშინ სასწავლო პრაქტიკის შესაბამისი კომპონენტ(ებ)ი ითვლება გავლილად და შესაბამისი კომპეტენცია/კომპეტენციები - დადასტუ­რე­ბუ­ლად (ენიჭება კომპონენტის შეფასების მაქსიმალური შესაძლო ქულა).

საზღვაო პრაქტიკა ტარდება საგანმანათლებლო პროგრამით გათვალისწინებული თეორიული კურსის დასრულების შემდეგ. სტუდენტებს ეძლევათ უფლება, გაიარონ სასერტიფიკატო კურსები ბნუ-ს საერთაშორისო საზღვაო მომზადების ცენტრში; მეზღვაურის წიგნაკისა და შესაბამისი სერტიფიკატების მიღების შემდეგ, სტუდენტები გადიან პრაქტიკისათვის მოსამზადებელ კონსულტაციებს, ინსტრუქტაჟს წვრთნის სააღრიცხვო წიგნაკის წარმოების წესების თაობაზე.

მიზანი: რეალურ გარემოში (გემზე) მე­ზ­ღ­ვა­უ­რის პრაქ­ტი­კუ­ლი უნარების ჩამო­ყა­ლიბება.

ხანგრძლივობა: მთლიანობაში საზღვაო პრაქტიკის ხანგრძლივობა შეადგენს 06 თვეს. 

 

ბიზნესისა და ლოგისტიკის ფაკულტეტი

პრაქტიკა არის საბაკალავრო და სამაგისტრო პროგრამის ფარგლებში სტუდენტების მომზადების ერთ-ერთი მნიშვნელოვანი სპეციალობის სავალდებულო კომპონენტი, რომელიც სტუდენტს შესაძლებლობას აძლევს დახვეწოს და განავითაროს აკადემიურ გარემოში შეძენილი ცოდნა და უნარები.

პრაქტიკა ხორციელდება ბნუ-სა და პრაქტიკის გავლის ობიექტს შორის დადებული ხელშეკრულების საფუძველზე. პრაქტიკის ობიექტის შერჩევისას მხედველობაში მიიღება: საგანმანათლებლო პროგრამის სპეციფიკა და კურსდამთავრებულისთვის მისანიჭებელი კვალიფიკაცია, პრაქტიკაზე მიმღები ობიექტის საქმიანობის სფერო და სტუდენტის მიერ შესასრულებელი სამუშაო. 

პრაქტიკის მიზნებია: სტუდენტის მიერ მიღებული თეორიული ცოდნის განმტკიცება; პრაქტიკულ გარემოში მოქმედების უნარების ჩამოყალიბება-განვითარება და იმ უნარების შეძენა, რომელთა ჩამოყალიბება შეუძლებელია მხოლოდ აკადემიურ გარემოში; რეალურ სამუშაო გარემოში ცოდნის თეორიული და პრაქტიკული ასპექტების შერწყმა, რეალურ სამუშაო გარემოსთან სტუდენტის დაახლოვება, მომავალი პრაქტიკული საქმიანობისთვის აუცილებელი კომპეტენციების მიღწევა და რეალურ სამუშაო გარემოში მუშაობის გამოცდილების მიღება; პრაქტიკულ სამუშაოსთან დაკავშირებული ინფორმაციის შეგროვების, სისტემატიზაციის, კლასიფიკაციის, დამუშავების, ანალიზის და პრობლემების გადაწყვეტის გზების დასახვის პრაქტიკული უნარების ჩამოყალიბება-განმტკიცება; შესრულებული სამუშაოს დახასიათების, აღწერის, ანალიზის, დასკვნების ფორმულირების და დასაბუთების უნარის დახვეწა; წარმატებული პროფესიონალური საქმიანობისთვის ცოდნის მუდმივი განახლების და პრაქტიკული უნარების სრულყოფის აუცილებლობის გაცნობიერება; პოტენციურ დამსაქმებლებთან დაკავშირება სტუდენტების კოპეტენციების წარმოჩენისა და შემდგომი დასაქმების ხელშეწყობის მიზნით.