სტუდენტის/პროფესიული სტუდენტის/მსმენელის სტატუსის შეჩერება გულისხმობს ხელშეკრულებიდან გამომდინარე ბნუ–ს და სტუდენტის/პროფესიული სტუდენტის/მსმენელის უფლება-მოვალეობების შესრულებისგან დროებით განთავისუფლებას სტატუსის შეწყვეტის გარეშე.
სტუდენტის/პროფესიული სტუდენტის/მსმენელის სტატუსის შეჩერება შესაძლებელია უმაღლესი საგანმანათლებლო პროგრამების შემთხვევაში - არაუმეტეს ჯამში 5 წლის ვადით, პროფესიული პროგრამების შემთხვევაში - არაუმეტეს 5 წლის ვადით რის შემდეგ პირს შეუწყდება შესაბამისად სტუდენტის / პროფესიული სტუდენტის სტატუსი; ხოლო პროფესიული მომზადების და პროფესიული გადამზადების პროგრამის მსმენელის შემთხვევაში, მსმენელის სტატუსის შეჩერების ვადა განისაზღვრება შესაბამისი პროცედურების მომწესრიგებელი აქტით, რის შემდეგ პირს შეუწყდება მსმენელის სტატუსი.
ბნუ-ში სტუდენტის სტატუსის შეჩერების საფუძველია:
- პირადი განცხადება
- საგანმანათლებლო პროგრამის გაუქმება
- უცხო ქვეყანაში საგანმანათლებლო დაწესებულებაში სწავლა (გარდა გაცვლითი და ერთობლივი საგანმანათლებლო პროგრამის ფარგლებში სწავლისა);
- ორსულობა; მშობიარობა; ბავშვის მოვლა; ანდ ჯანმრთელობის მდგომარეობის გაუარესება;
- ადმინისტრაციული/აკადემიური რეგისტრაციის გაუვლელობა;
- ფინანსური დავალიანება, ფინანსური ვალდებულებების/ხელშეკრულების პირობების შეუსრულებლობა;
- სამართლებრივი დევნის დაწყება ან სასამართლოს განაჩენის ძალაში შესვლა
ბნუ-ში პროფესიულ საგანმანათლებლო პროგრამებზე პროფესიული სტუდენტის სტატუსის შეჩერების საფუძველია:
- პირადი განცხადება
- საგანმანათლებლო პროგრამის გაუქმება;
- უცხო ქვეყანაში საგანმანათლებლო დაწესებულებაში სწავლა (გარდა გაცვლითი და ერთობლივი საგანმანათლებლო პროგრამის ფარგლებში სწავლისა);
- ორსულობა; მშობიარობა; ბავშვის მოვლა ან ჯანმრთელობის მდგომარეობის გაუარესება;
- ფინანსური დავალიანება, ფინანსური ვალდებულებების/ხელშეკრულების პირობების შეუსრულებლობა;
- სამართლებრივი დევნის დაწყება ან სასამართლოს განაჩენის ძალაში შესვლა,
- მობილობის ფარგლებში სხვა სასწავლებელში გადასვლის შესახებ განცხადების დარეგისტრირება,
- პროფესიული სტუდენტის მიერ საგანმანათლებლო პროგრამის კრედიტების 50%-ზე ნაკლების აუთვისებლობა პროგრამის განხორციელების ძირითად ვადებში
- პროფესიული საგანმანათლებლო პროგრამის საკვალიფიკაციო გამოცდაზე/განმეორებით გამოცდაზე არგამოცხადება ან არადამაკმაყოფილებელი შეფასება.
სტუდენტის/პროფესიული სტუდენტის/მსმენელის სტატუსის აღდგენა ხდება არაუგვიანეს სტატუსის შეჩერებისთვის დადგენილი ვადის განმავლობაში. ფინანსური დავალიანების, ფინანსური ვალდებულებების/ხელშეკრულების პირობების შეუსრულებლობის გამო სტატუსის შეჩერების შემთხვევაში სტატუსის აღდგენისთვის აუცილებელია დარღვევის აღმოფხვრა;
ბნუ-ში სტუდენტის სტატუსის შეწყვეტის საფუძველია:
- სტატუსის შეჩერებისთვის დადგენილი ვადის გასვლა;
- პირადი განცხადება
- სხვა საგანმანათლებლო დაწესებულებაში სწავლის გაგრძელება;
- საგანმანათლებლო პროგრამით სწავლის დასრულება;
- საგანმანათლებლო პროგრამით გათვალისწინებული სწავლის შედეგების მიღწევის შეუძლებლობა
- სტუდენტის სტატუსთან შეუთავსებელი ქმედების განხორციელება
- კანონიერ ძალაში შესული გამამტყუნებელი განაჩენი, რომელიც გამოტანილია ისეთი ქმედების ჩადენისთვის, რომელიც წარმოადგენს სტუდენტის სტატუსის შეწყვეტის საფუძველს;
- პირის გარდაცვალება, კანონმდებლობის შესაბამისად პირის ქმედუუნაროდ ცნობა, მოქმედი კანონმდებლობით სხვა გათვალისწინებული შემთხვევები;
ბნუ-ში პროფესიული სტუდენტის/მსმენელის სტატუსის შეწყვეტის საფუძველია:
- სტატუსის შეჩერებისთვის დადგენილი ვადის გასვლა;
- პირადი განცხადება
- სხვა საგანმანათლებლო დაწესებულებაში სწავლის გაგრძელება;
- საგანმანათლებლო პროგრამით სწავლის დასრულება;
- საგანმანათლებლო პროგრამით გათვალისწინებული სწავლის შედეგების მიღწევის შეუძლებლობა
- პროფესიული სტუდენტის/მსმენელის სტატუსთან შეუთავსებელი ქმედების განხორციელება
- კანონიერ ძალაში შესული გამამტყუნებელი განაჩენი, რომელიც გამოტანილია ისეთი ქმედების ჩადენისთვის, რომელიც წარმოადგენს პროფესიული სტუდენტის/მსმენელის სტატუსის შეწყვეტის საფუძველს;
- პირის გარდაცვალება, კანონმდებლობის შესაბამისად პირის ქმედუუნაროდ ცნობა
- პროფესიული სტუდენტის მიერ საგანმანათლებლო პროგრამის კრედიტების 50%-ის ან მეტის აუთვისებლობა პროგრამის განხორციელების ძირითად ვადებში
- პროფესიული სტუდენტის მიერ არასაპატიო მიზეზით შუალედურ შეფასებაში მონაწილეობის მიუღებლობა, ან განმეორებით შუალედურ შეფასებაზე გამოუცხადებლობა, მოქმედი კანონმდებლობით სხვა გათვალისწინებული შემთხვევები
სტატუსის აღდგენა
სტუდენტის/პროფესიული სტუდენტის/მსმენელის სტატუსის აღდგენა ხდება არაუგვიანეს სტატუსის შეჩერებისთვის დადგენილი ვადის განმავლობაში. ფინანსური დავალიანების, ფინანსური ვალდებულებების/ხელშეკრულების პირობების შეუსრულებლობის გამო სტატუსის შეჩერების შემთხვევაში სტატუსის აღდგენისთვის აუცილებელია დარღვევის აღმოფხვრა;
წინამდებარე პუნქტი არ ვრცელდება სწავლის სუბიექტებზე, რომლებიც სწავლობენ სახელმწიფოს მიერ სრულად დაფინანსებულ საგანმანათლებლო პროგრამაზე. ყველა სხვა შემთხვევებში - ბნუ-ში სტუდენტის/პროფესიული სტუდენტის/მსმენელის სტატუსის აღდგენის შემთხვევაში სტატუსის შეჩერებამდე გადახდილი თანხა ჩაითვლება სტატუსის აღდგენის შემდეგ გადასახდელ სწავლის საფასურში (მოიაზრება სტატუსის შეჩერების გადაწყვეტილების მიღების მომენტისთვის გადახდილი სწავლის საფასურიდან უკვე გასული სასწავლო პერიოდის საფასურის გამოკლების შედეგად მიღებული თანხა);
სტატუსის აღდგენის მიზნით სწავლის სუბიექტმა განცხადებით უნდა მიმართოს ბნუ-ს (პროგრამის განმახორციელებელი სტრუქტურული ერთეულის ხელმძღვანელს). განცხადების წარდგენა უნდა მოხდეს სემესტრის დაწყებამდე (ადმინისტრაციული რეგისტაციის ვადის დასრულებამდე). სტატუსშეჩერებულ სწავლის სუბიექტს, რომელმაც საპატიო მიზეზის გამო ვერ შეძლო დადგენილი წესის დაცვა, შეუძლია მიმართოს საგანმანათლებლო პროგრამის განმახორციელებელი სტრუქტურული ერთეულის ხელმძღვანელს განცხადებით, მიუთითოს მოქმედი წესის დარღვევის მიზეზი (განცხადებას უნდა დაერთოს მითითებული გარემოების დამადასტურებელი დოკუმენტი) და ითხოვოს დადგენილისგან განსხვავებულ ვადაში სტატუსის აღდგენა, ადმინისტრაციული/აკადემიური რეგისტრაციის გავლა და სწავლის გაგრძელება. განცხადება და თანდართული დოკუმენტები უნდა ჩაბარდეს კანცელარიას ან გაიგზავნოს ბნუ-ს ოფიციალურ ელ.ფოსტაზე (სამუშაო დღეები: ორშაბათი-პარასკევი, 10:00 სთ-დან 18:00 სთ-მდე).
ყველა განცხადებას და თანდართულ დოკუმენტებს განიხილავენ რექტორი, ადმინისტრაციის ხელმძღვანელი-კანცლერი და საგანმანათლებლო პროგრამის განმახორციელებელი სტრუქტურული ერთეულის ხელმძღვანელი. გადაწყვეტილება მიიღება განცხადებაში მითითებული გარემოებების, თანდართული დოკუმენტების და განცხადების წარდგენის თარიღის გათვალისწინებით. დადებითი გადწყვეტილება შეიძლება იყოს მიღებული მხოლოდ იმ შემთხვევაში, თუ სემესტრის/სწავლების ციკლის/დაწყებული სწავლების დარჩენილ ვადაში შესაძლებელია (მათ შორის, ინდივიდუალური განრიგით) პროგრამის კომპონენტების შესწავლა და დადგენილი მოთხოვნების შესრულება. გადაწყვეტილება სწავლის სუბიექტს ეცნობა ამ შინაგანაწესით განცხადებების განხილვისთვის დადგენილ ვადაში;
სტუდენტის/პროფესიული სტუდენტის/მსმენელის სტატუსის აღდგენა ფორმდება შესაბამისი უფლებამოსილების მქონე პირის ბრძანებით, მონაცემები შეიტანება განათლების მართვის საინფორმაიო სისტემაში, კანონმდებლობით დადგენილი წესით.