კურსის აღწერა
პროგრამა ფარავს და მოიცავს STCW კონვენციის VI თავის და კოდექსის A-VI/2 სექციის, A-VI/2-1 ცხრილის კომპეტენციებს.
სრული კურსის წარმატებით გავლის შემდეგ მსმენელს შეეძლება:
- ამოყირავებული სამაშველო ტივის გასწორება სამასველო ჟილეტში ჩაცმული ;
- სამაშველო საშუალებებზე მარკირების წაკითხვა, რომელიც მიუთითებს მასში გათვალისწინებული პერსონალთა რაოდენობას
- სამაშველო საშუალებებისა და მასზე ასვლის, გემიდან უსაფრთხო მანზილზე დაშორებისა და მართვის და ხალხის გადმოსხმის სწორი განკარგულებების გაცემა
- სამაშველო საშუალებების მომზადება და უსაფრთხო ჩაშვება და სწრაფად გემიდან უსაფრთხო მანძილზე მოშორება
- სამაშველო ნავების, ტივებისა და სამაშველო კატარღების უსაფრთხო აწევა
- ღია ან დახურული სამაშველო ნავის შიგა ძრავის გაშვება და ექსპლუატაცია;
- ნავის ნიჩბებით სვლა და მართვა
- მართვა კომპასით
- მომარაგების ცალკეული საგნების გამოყენება სამაშველო საშუალებებში
- საშუალებების დაყენება, რომელიც ხელსუწყობს სამაშველო საშუალებების აღმოჩენას
- სამაშველო ნავების და სამასველო ტივების გადასატანი რადიომოწყობილობების გამოყენება
- სასიგნალო საშუალებების გამოყენება პიროტექნიკის ჩათვლით
- დაზარალებულების მოვლა გემის დატოვების პროცესში და დატოვების შემდეგ, პირველადი დახმარების აფთიაქის გამოყენება და ხელოვნური სუნთქვის ტექნიკა
კურსზე დაშვების წინაპირობა
კურსზე ჩასარიცხად საჭიროა მსმენელმა წარმოადგინოს შემდეგი დოკუმენტების ასლები ორიგინალთან ერთად;
- კომპეტენციის სერტიფიკატი ან კომპეტენციის დამადასტურებელი კვალიფიკაციის სერტიფიკატი ან განათლების დიპლომი;
- სამოქალაქო პასპორტი ან პირადობის მოწმობა;
- მეზღვაურის წიგნაკი ან მეზღვაურის საიდენტიფიკაციო ბარათი;
- ცნობა მეზღვაურის ჯანმრთელობის შესახებ;
- საბაზისო წვრთნის გავლის დამადასტურებელი დოკუმენტი
- გემზე ნაოსნობის არა ნაკლებ 6 თვის სტაჟის დამადასტურებელი საბუთი
შემოკლებული კურსების შემთხვევაში დამატებით:
- თვითშეფასების შევსებული ფორმა;
- “კოლექტიური სამაშველო საშუალებებისა და სამაშველო კატარღების მართვა, გარდა სწრაფმავალი სამაშველო კატარღებისა“ სასწავლო-საწვრთნელი კურსის სერტიფიკატი (გაცემული ბოლო 5 წლის განმავლობაში)
- ბოლო 3 წლის განმავლობაში 12 თვის ნაოსნობის დამტკიცებული სტაჟი
კურსის ხანგრძლივობა: სრული კურსი - 5 დღე; შემოკლებული კურსი - 2 დღე