კურსის აღწერა
პროგრამა ფარავს და მოიცავს „მეზღვაურთა მომზადების, დიპლომირებისა და ვახტაზე დგომის შესახებ“ საერთაშორისო (STCW) კონვენციის და კოდექსის A-II/1, A-II/2, A-II/3, A-II/5, A-II/4 თავების და II/1, II/2, II/3, II/5, II/4 ცხრილების კომპეტენციებს, SOLAS-ის II-1/3-8 რეგულაციის (საბუქსირე და გემსაბმელი აღჭურვილობის შესახებ), საერთაშორისო საზღვაო ორგანიზაციის (IMO) სახელმძღვანელოების, OCIMF-ის გემსაბმელი ოპერაციების/აღჭურვილობის სახელმძღვანელოს, მეზღვაურთა უსაფრთხო მუშაობის პრაქტიკის კოდექსის (COSWP) მოთხოვნებს და სტანდარტებს.
კურსის წარმატებით გავლის შემდეგ მსმენელს შეეძლება:
- შეაფასოს გემსაბმელი აღჭურვილობის მდგომარეობა, მათ შორის მავთულის და სინთეტიკური გემსაბმელი გვარლების სერტიფიცირება, ნომინალური დატვირთვის მაჩვენებლების და მოვლის პროცედურების ჩათვლით
- ამოიცნოს გემსაბმელი ოპერაციებთან დაკავშირებული რისკები, ახსნას დინამიური დატვირთვების გავლენა გემსაბმელ ოპერაციებზე.
- გემსაბმელი ოპერაციების დაგეგმვა და რისკების შეფასება, უსაფრთხოების ინსტრუქტაჟის ჩატარება და შესაბამისი უსაფრთხოების პროცედურების გამოიყენებით.
- გემსაბმელი ოპერაციების შეასრულება, პრაქტიკული ჩატარება
- გემსაბმელი ოპერაციების სიმულაციებში მონაწილეობა, განსაზღვროს და გაანაწილოს თითოეულის როლი, გამოიყენოს საკომუნიკაციო მოწყობილობები, განახორციელოს სტანდარტული გემსაბმელი კონფიგურაციები
- ჩაერთოს გუნდურ მუშაობასა და ლიდერობის პროცესში, ეფექტური კომუნიკაციის, დაღლილობის მართვის და როლების მკაფიო განაწილების უზრუნველყოფით.
- მოახდინოს საგანგებო სიტუაციებზე შესაბამისი და დროული რეაგირება.
კურსებზე დაშვების წინაპირობა
კურსზე დასაშვებად, უნდა წარმოადგინოთ შემდეგი დოკუმენტები:
- კომპეტენციის სერტიფიკატი ან კომპეტენციის დამადასტურებელი კვალიფიკაციის სერტიფიკატი ან განათლების დიპლომი
- ცნობა მეზღვაურის ჯანმრთელობის შესახებ
- მეზღვაურის წიგნაკი ან მეზღვაურის საიდენტიფიკაციო ბარათი
კურსის ხანგრძლივობა: 2 დღე (12 საათი)